حيرة الطفل

مره اتسألت سؤال معرفتش أرد

جانى ابنى اللى لسه عمره عن السبعه مااتعد

أدى معايا في الكلام وخد

وفجأه قالى ماما هو احناعرب بجد

أستغربت من السؤال معرفتش أرد

ياترى السؤال ده وصل معاه لأى حد

ياترى أقوله أيوه احنا عرب بس للأسف مش بجد

ولا أقوله أيوه احناعرب بجد

ولا أكذب واغش واخادع واهد

ثقة أبنى فيا واخسره للأبد

سكت معرفتش أرد

كمل وقالى وفلسطين مش برده عرب بجد

قلتله أيوه ياحبيبي كلنا عرب واخوات و ده مش هزار ده جد

أستغرب وسكت قلتله ماترد

قالى ازاى نبقي عرب وسيبين فلسطين وحدها للعدو بتصد

أزاى نبقي عرب وسيبين العدو فى الاقصي بيهد

ازاى نبقي عرب وسيبين ايد العدو بالبطش تتمد

وازاى نبقي عرب وسيبين فلسطين ايدها للشحاته تتمد

هو مش المفروض ان العرب اقوى سد

هو مش المفروض ان العرب اصلب يد

كتله واحده متكتله مابتنهد

مهما طغى عليها الزمن واتعد

هو ايه اللى حصل ياامى فى البلد

ولا ليه الاخ لما بيمد ايده لاخوه بيصد

هو مش المفروض الاخ لاخوه بيحض

مش انتى اللى علمتينى كده ياامى ولاده كان كلام ومش بجد

مش انتى اللى قولتيلى ان العرب اخوات للابد

مش انتى اللى قولتيلى انهم سوا بيبنوا المجد

عشانك وعشان بكره والغد

ولا ده كان كلام ومش بجد

مش انتى اللى قولتيلى ان العرب للعدو بيندد

مش انتى اللى قولتيلى ان العرب قادر يثور ويهدد

ولا ده برده كان كلام ومكنش جد

مش انتى اللى قولتيلى ان العرب زى الجذر والمد

عمرهم مايفترقوا حتى ولو كانوا عكس بعض

ولا ده كان كلام ومش بجد

هو انتى ليه مش بتردى

هو ليه كل مااسال واحد عن كلامى يرتد

ويبقي ساكت ومش عارف يرد

هو ده سؤال صعب للدرجه دى ولهذاالحد

ارجوكىياامى ردى

جوبينى ماترتدى

اوعى تسينى عن فكرى ابعد واحود واشرد وامد

ده هو سؤال واحد وعايز رد

هو احنا ياامى عرب بجد؟

طب ياتري حد فيكوا عنده رد؟