مصر النهارده

صباح الفل والياسمين على بلدي
صباح الخير يا محروسة
يا أجمل أرض بسبوسة
صباح الثورة ع الميادين
وصوت الثورة والثايرين
...وشمس جديدة مولودة
ونور الله منورها يا مصريين
صباح حرية مصرية
صباح الخير يا ثورية
صباح الخير يا مصريين
يا ثورة نار وحرية
يا ثورة شعب مصرية
دي دولة جديدة مولودة
بقت بالثورة موجودة
دي مصر جديدة بنشوفها
جميلة وحرة بولادها
فدوها ولادها ف الثورة
عشان تقدر تعيش حره
صباحك حلو يا بلدي
بنصر الثورة هنعدي
شبابك يبنوا أمجادك
يقوموا يصلحوا حالك
شبابك يفتدوا ترابك
بلدنا الحره يا بلدي
رجعتي بلدنا من تاني
وليكي رجعوا أولادك
رجعتي لمصر يا عروبة
ورجعت مصر مكتوبه
ببنط عريض على الدنيا
بقت خطاويها محسوبه
تخاف الدنيا من صوتها
وتسمع دوي ثورتها
بلادي الدنيا حبتها
عشان قامت قيامتها
بقت يوم حشر
ثورة شعب كر وفر
ميدان تحرير كأنه المحشر المصري
وشعب أسير بيتحرر وحشد غفير
وقيد مكسور
وصوت بيدوي ف الميادين
هتاف ملايين
يقول : مش همشي مش همشي
خلاص أنا جيت اخد حقي
وراية مصر مرفوعة بتعلن نصر
وكل الشعب بيغني ف صوت واحد
حبيبتي يا مصر
حبيبتي يا مصر